• Search

Preguntanan komun

Last update: December 13, 2019 15:05 pm

 

Preguntanan komun di klientenan di Girobank NV.

HIPOTEK I FIANSA (Inkl. Fiansa personal i outo):

  1. Mi tin ku sigui paga mi fiansa/hipotek?

Si. Bo tin ku sigui paga bo fiansa/hipotek segun términonan akordá den bo akuerdo di fiansa/hipotek.

  1. Mi tin ku paga un but si mi sera òf kaba di paga mi fiansa trempan?

Proseduranan di Girobank NV ta stipulá ku mester paga un but si bo kaba di paga bo fiansa trempan. Konsiderando e sirkumstansianan Girobank NV ta dispuesto pa no kobra e but.

  1. Pa kuantu tempu mas mi por paga mi fiansa na Girobank NV promé ku mi tin ku transferí pa un otro banko?

Si bo tin un fiansa na Girobank NV, e kliente ta responsabel pa kaba di paga esaki. No opstante e sirkumstansianan di Girobank NV, e kliente tin e deber di kaba di paga e fiansa kompletu. Si un kliente ta transferí pa un otro banko, e ta keda responsabel pa kaba di paga su fiansa.

 

TARHETA DI KRÉDITO:

  1. Mi por sigui husa mi tarheta(nan) di krédito?

No por sigui husa tarhetanan di krédito. Girobank NV a blòkia tur tarheta di krédito.

  1. Mi tin ku sigui paga e mínimo òf mi ta obligá di paga e balansa habrí kompletu?

E balansa pendiente mester wòrdu pagá mas pronto ku ta posibel.

  1. Ki dia ta último fecha ku por kaba di paga e tarheta di krédito?

No tin un fecha stipulá. Sinembargo, segun e akuerdo firmá pa bo tarheta di krédito bo tin ku kumpli ku e pago mínimo tur luna. Nos ta rekomendá pa kumpli ku e balansa habri mas lihé ku ta posibel mirando e tasa di interes haltu riba tarhetanan di krédito.

        

KUENTA KORIENTE/SPAR (Inkl. SAM i Time Deposit)

  1. Mi mester saka tur mi fondonan mesora?

No ta nesesario lanta tur bo fondonan mesora. Un máksimo di NAf 10.000,- ta garantisá pa kada kliente. 

  1. Kon mi por lanta mi sèn for di mi kuentanan bankario?

Por hasi esaki na tur manera usual: na un sukursal di Girobank NV, ATM i pa medio di online banking.

  1. Kiko ta e montante máksimo ku mi lanta na un sukursal di Girobank NV?

E montante máksimo ku por lanta na un sukursal ta NAf 10.000,-.

  1. Kiko ta e montante máksimo ku mi lanta na un ATM di Girobank NV?

E montante máksimo ku por lanta na un ATM ta NAf 1.000,-.

  1. Mi por lanta sèn for di mi kuenta pa medio di ATM di otro banko?

Si, por lanta fondonan for di un ATM di un otro banko ku no ta Girobank NV.

  1. Kiko ta e montante máksimo ku mi lanta na un ATM di otro banko?

E montante máksimo ku por lanta na un ATM ta NAf 1.000,-.

  1. Pa kuantu tempu mi por aksesá mi online banking di Girobank NV?

Online banking lo ta disponibel te próksimo aviso. Lo avisá di 30 dia adelantá  na momentu  ku lo  terminá e servisio.

  1. Kiko mi tin ku trese pa sera mi kuenta(nan)?

Pa sera bo kuenta mester trese un ID bálido.

  1. Mi mester habri un kuenta na un otro banko komersial?

Bo ta liber pa habri un kuenta bankario na un otro banko.

  1. Kon lihé mi mester habri un kuenta na un otro banko?

Bo ta liber pa habri un kuenta bankario na un otro banko.

  1. Si mi tin un kuenta koriente i un kuenta di spar ku kada NAf. 10.000,- òf mas, mi tin derechi di lanta NAf 10.000,- di kada kuenta?

No, e máksimo montante garantisá ta NAF 10.000,- pa kliente.

  1. Si mi yu tin un kuenta di spar i ami tambe ta ko-firmadó di e kuenta, nos tur dos tin derechi di lanta NAf 10.000,-?  

E doño di kuenta òf ko-firmadó, ku ta representá e kuenta, por lanta un suma di máksimo NAf 10.000,-.

  1. Si mi pareha i ami tin un kuenta koriente huntu, nos kada un por lanta NAf 10.000,-?

No, bo tin derechi di lanta fondonan for di bo kuenta, garantisá pa CBCS, te ku un montante máksimo di NAf 10.000,- pa kliente.

 

OTRO

  1. Kiko ta pasa si mi tin NAf 10.000,- riba mi kuenta awor i un hende depositá mas fondo riba mi kuenta despues di awe? Mi ta pèrdè akseso na e fondonan nobo?

No, bo no ta pèrdè akseso na e fondonan nobo. Si bo tabata tin mas ku NAf 10.000,- riba bo kuenta promé dia 10 di desèmber 2019, e montante riba e NAf 10.000,- lo ta blòkiá.  Montantenan despositá despues di 10 di desèmber por wòrdu aksesá.

  1. Kiko ta pasa ku chèknan ku mi tin pendiente pa kobra? Nan ta inkluí den e suma di NAf. 10.000 òf ta kita esaki for di esun ku mester a paga?

No por kobra cheknan di Girobank NV  mas, ni na Girobank NV i tampoko na otro bankonan komersial.

 

SEGURO:

  1. E kobertura di mi seguro ta bálido ainda?  

Si. Girobank NV ta fungi komo un intermediario pa diferente kompania di seguro i no ta esun ku ta segurá mes. Asina ta ku bo kobertura ta keda vigente.

  1. Pa kuantu tempu mi seguro ta kubri mi propiedatnan?  

Mirando ku Girobank NV ta fungi komo un broker pa kompanianan di seguro, bo kobertura no ta terminá pa motibu di e moratorio.

 

Pa kualke otro pregunta, por fabor usa [email protected]

Last updated: 10.01.2020 13:01